Koronavirus shpallet emergjencë globale nga Organizata Botërore e Shëndetit pasi shpërthimi vazhdon të përhapet jashtë Kinës.
Duke folur në një konferencë për shtyp, Drejtori i Përgjithshëm i OBSH,t Tedros Adhanom vlerësoi autoritetet kineze për reagimin e tyre të shpejtë duke thënë se sëmundja do të ishte përhapur shumë më shpejt dhe më gjerë nëse nuk do të veprohej në kohë.
SHBA, Franca, Gjermania e shumë vende të tjera po evakuuojnë qytetarët e tyre nga Kina, ndërsa shumë kompani ajrore kanë anulluar fluturimet drejt shtetit aziatik.
Ekspertët shëndetësorë janë në gatishmëri të lartë pasi numri i vdekjeve të epidemisë së koronavirusit u rrit në 170 dhe rastet e infeksionit shkuan në afro 8,000 ditën e sotme.
Sa i përket numrit të të prekurve, Koronavirusi e ka kaluar SARS-in, i cili përsa i përket numrit të vdekjeve qëndron më lart.
Edhe Shqipëria ka marrë masat e saj për parandalimin e virusit në fjalë, megjithëse duhet thënë se, fakti që nuk kemi linja ajrore direkte me Kinën, na mban disi të mbrojtur.
