Legjenda e Manchester Unitedit, Gary Neville, ka dhënë një intervistë për “Sky Sports”, ku ndër të tjera ka folur edhe për transferimin e Bruno Fernandesit te skuadra angleze.
Neville mendon se mesfushorit portugez, do t’i duhet kohë përpara se të ambjentohet në Premier Ligën e angleze dhe se shkëlqimi i tij nuk do të vijë menjëherë.
“Unë nuk kam pritshmëri të mëdha te Bruno Fernandes në lidhje me muajt e ardhshëm. Mendoj se do t’i marrë pak kohë për t’u vendosur në Angli. Atij do t’ju duhet ca kohë”, ka thënë fillimisht Neville për Sky Sports.
“Por, ata kanë marrë një lojtar të mirë dhe cilësor. Në fund të fundit ne nuk duhet të rrimë këtu duke menduar se ai do të jetë menjëherë i mrekullueshëm”.
“Natyrisht është shumë e vështirë të ‘goditesh’ në shenjë duke bërë transferime në janar”, – ka thënë ish-mbrojtësi i krahut të djathtë.
