Tre persona kanë bërë “kërdinë” në Belsh duke vjedhur disa banesa dhe biznese, por ende nuk janë vënë në pranga nga policia.
Ata janë futur të maskuar në një banesë dhe e kanë grabitur duke marrë lekët dhe sendet me vlerë që ndodheshin brenda, por janë kapur nga kamerat e sigurisë.
Hajdutët kanë hyrë në banesat e personave me inicialet G.H. duke i vjedhur një shumë të konsiderueshme parash ditën e dielë, ndërsa pre e këtij fenomeni më pas ka rënë edhe banesa e G.Gj. ku po ashtu kanë marrë një shumë parash dhe janë larguar në errësirë me shpejtësi sapo është zgjuar e zonja e shtëpisë, e cila i ka ndjerë lëvizjet.
Po ashtu pak kohë më parë personave me inicialet B.Z. C.H. dhe B.A u janë vjedhur makinat.
Pas këtyre ngjarjeve banorët e prekur kanë denoncuar rastet dhe policia ka nisur hetimet, por deri tani nuk është arrestuar asnjë nga autorët e dyshuar.
