Pas tërmetitit tragjik të 26 nëntorit, përveç 51 viktimave, mijëra të tjerë ngelën në qiell të hapur pasi goditja e tërmetit dëmtoi banesat e tyre.
Edhe pse kanë kaluar më shumë se dy muaj, qeveria ende nuk iu ka gjetur zgjidhje dhe kryeministri Edi Rama vazhdon duke “lypur” lekë nëpër Europë.
Ndihmën e vetme, familjet e prekura nga tërmeti e gjejnë nga aktivistë dhe persona të tjerë bujarë që japin diçka nga xhepi i tyre për ta.
E njëjta gjë ka ndodhur dhe me familjen e Xhevair Shullazit në Bubq të Fushë Krujës të cilës i është dhuruar një kontenier nga një shqiptar i Strugës, Bashkim Pollozhani.
Lajmin e ka bërë të ditur aktivisti Aulon Kalaja i cili ka publikuar me video momentin kur kontenieri është vendos në oborrin e banesës së tyre.
“Sot ishim serish ne Bubq dhe vendosem nje kontenier tek familja e Xhevair Shullazit.
Falenderojme mikun tone nga Struga, Bashkim Pollozhani qe pagoi per kete kontenier, po ashtu Avokatin Adriatik Lapaj dhe Klenti Tare qe organizuan dhe zbatuan kete projekt ne terren.” – shkruan Kalaja në rrjetet sociale.
