Kate Middleton dhe Meghan Markle kanë qenë shpesh në qendër të vëmendjes së publikut për shkak të marrëdhënies që kanë me njëra-tjetrën.
Përflitej shpesh se dy kunatat nuk shkojnë mirë së bashku, edhe pse në daljet e tyre të përbashkëta publike kanë treguar se janë të afërta dhe se kanë marrëdhënie të mirë.
Burime për “Us Weekly” kanë treguar se Meghan dhe dukesha e Kembrixhit nuk kanë folur më me njëra-tjetrën që pas largimit të saj nga familja mbretërore. Duket se krisja e marrëdhënies së tyre ka nisur më herët dhe pas largimit të Meghan në Kanada, Kate nuk ka më kontakte me të.
Harry dhe Meghan i kanë humbur titujt mbretërorë dhe se kanë nisur një jetë të re në Kanada, së bashku me djalin e tyre.
Ndërkohë burimet kanë shtuar se Markle nuk ka qenë asnjëherë më e lumtur se tani.
“Meghan ndihet e lirë! S’ka qenë kurrë më e lumtur. Eshtë e kënaqur që ndodhet jashtë Londrës. Madje është habitur se sa shpejt ndryshuan gjërat”, ka treguar burimi.
