Lautaro Martinez është pezulluar me dy ndeshje dhe kështu do të humbasë derbin me Milanin.
Sulmuesi argjentinas, i cili “shpërtheu” në protesta ndaj arbitrit në fundin e ndeshjes ndaj Kaljarit, është dënuar nga Komisioni i Disiplinës me dy javë pezullim.
Kështu ai do të humbasë sfidat me Udinezen dhe me Milanin. Goditje jo e vogël për skuadrën e Contes, që humbet një nga yjet e ekipit për ndeshjet delikate.
Kujtojmë se Martinez në minutën e 94-të të ndeshjes me Cagliarin, mori karton të verdhë. Nga tensioni dhe nervat e ndeshjes protestoi ashpër ndaj arbitrit, të cilin madje e ka ofenduar dhe kështu u ndëshkua sërish, por me të kuq.
