Kiara Tito Kiara Tito është padyshim një prej moderatoreve më të ndjekura, por dhe ndër më të komentuarat. Ajo është shumë aktive në rrjetet e saj sociale ku ndan me të gjithë ndjekësit e saj foto dhe video të ndryshme si nga jeta profesionale po ashtu edhe nga ajo private.
Kiara, ashtu si edhe çdo personazh tjetër publik, ka fansat e saj të çmendur që mund të bëjnë gjithçka për të.
Ajo ka publikuar foton që i ka dërgar një ndjekës i saj ku ky i fundit ka prerë dorën e tij duke shkruar emrin e Kiarës, e krahas fotos që i ka dërguar shkruan: Kiara a e beson tani se të dua?
Duket që ky veprim ka kaluar çdo nivel pritshmërie dhe e ka mërzitur tej mase Kiarën.
“Sapo pashë këtë foto dhe jam me të vërtetë shumë e mërzitur. Nuk do të toleroj më të tilla mënyra të shprehjes së dashurisë, pasi ka shumë mënyra të tjera për ta bërë. Ju lutem jo me këto mënyra. Nuk ka pse lëndohet askush për vëmendjen e një personazhi që pëlqen. Nëse ndodh përsëri do të bllokohen të tilla faqe.”-ka shkruar Kiara.
