Kandidat për kreun e SPAK, Arben Kraja para nisjes së votimit nga KLP për kreun e këtij institucioni ka kërkuar përjashtimin nga votimi të anëtarit Tartar Bazaj, pasi ka konflikt interesi.
Prokurori Arben Kraja ka pasur dosjen e Tartar Bazajt nga ku ka dhënë dorëheqjen nga hetimi administrativ.
KLP do të zgjedhë sot kreun e SPAK. Në garë veç zoti Kraja janë edhe prokurorët Edvin Kondili dhe Altin Dumani. Të ftuar janë përfaqësues nga Ministria e Drejtësisë, EURALIUS, OPDAT si dhe vëzhgues tё tjerë tё akredituar. Tre kandidatët për kreun e SPAK, Dumani, Kraja dhe Kondili shpalosën dje në KLP platformat e tyre për drejtimin e SPAK.
