Capital T ka qenë i ftuar së fundmi në emisionin “N’drrimi i natës”, në Klan Kosova ku si rrallëherë foli edhe për jetën private.
Gazetari e pyeti nëse është e vërtetë që ka qenë i lidhur me Dhurata Dorën dhe reperi tregoi se dyshja kanë pasur gjithnjë një raport të mirë si miq dhe vetëm kaq. Thashethemet për një lidhje të mundshme midis Capitalit dhe Dhuratës nisën tre vite më parë pas bashkëpunimit të tyre.
“Realisht janë të zakonshme këto kur bashkëpunon me një artiste femër. Ka ndodh edhe më shumë e shumë bashkëpunime tjera në tregun tonë. Kjo me Dhuratën ka ndodhur ndoshta për shkak se jemi dy artistë moshatar dhe kemi raport shumë të afërt dhe njerëzit kanë aluduar në këto baza. Por kjo nuk ka qenë e vërtetë asnjëherë, Dhuratën e kam shoqe shumë të mirë dhe kemi raport shumë të afërt, mirëpo lidhja nuk ka qenë asnjëherë një çështje”, ka thënë Capital T.
