Dhjetë punonjës policie në Qarkun e Elbasanit janë pezulluar nga puna pasi akuzohen se kanë lejuar kultivimin e bimëve narkotike kanabis sativa. Gjykata e rrethit ka miratuar masat e pezullimit nga detyra të lëshuara nga Prokuroria, ndaj efektivëve me detyrë në Drejtorinë Vendore të Policisë Elbasan dhe Komisariatin e Policisë Librazhd, që janë ekzekutuar nga SHÇBA.
Të dhjetë akuzohen për veprën penale “Shpërdorim i detyrës”.
Të pezulluarit nga detyra
– K/komisar B.H., 52 vjeç, me detyrë Shef i Komisariatit Librazhd;
– K/komisar A.H., 48 vjeç, me detyrë Shef i Qarkullimit Rrugor në Drejtorinë Vendore të Policisë Elbasan;
– Komisar A.K., 40 vjeç, me detyrë Shef për Hetimin e Krimeve në Komisariatin e Policisë Librazhd;
– Komisar L.Z., 40 vjeç, me detyrë Shef Seksioni për Rendin në Komisariatin e Policisë Librazhd;
– N/komisar E.A., 44 vjeç, me detyrë Specialist për Hetimin e Krimeve;
– N/komisar G.H., 40 vjeç, me detyrë Specialist për Hetimin e Krimeve;
– N/komisar Y.Z., 51 vjeç, me detyrë Specialist për Hetimin e Krimeve në Drejtorinë Vendore të Policisë Elbasan;
– Inspektor K.Q. 46 vjeç, me detyrë Ndihmës Specialist për Policimin në Komunitet;
– Inspektor Z.C., 51 vjeç, me detyrë Ndihmës Specialist për Policimin në Komunitet;
– Inspektor I.D., 52 vjeç, me detyrë Ndihmës Specialist për Policimin në Komunitet.
Hetimet
“Nga tërësia e veprimeve hetimore dhe procedurale të kryera në lidhje me procedimin penal, referuar mosveprimit të tyre në funksion të përmbushjes së detyrave funksionale, rezulton se nga ana e punonjësve të Policisë dyshohet se është lejuar kultivimi i bimëve narkotike”, njoftoi SHÇBA.
