Einxhel Shkira, e cila së fundmi i është futur botës së sportit si moderatore ka qenë e ftuar pasditen e djeshme tek emisioni “Rudina”.
Einxhel komentohet shpesh në media për fotot e saj provokuese dhe sensuale në rrejtet sociale.
Rudina Magjistari e ka pyetur atë mbi këtë gjë dhe ajo u shpreh se nuk mund të konsiderohen shumë provokuese fotot që poston sepse është natyra e saj dhe ajo nuk di të pozojë ndryshe.
“Realisht nuk e di sa provokuese mund të quhen sepse nuk ke si del ndryshe me rroba banje, si do dalësh në plazh?
Provokuese do jesh në çfarëdolloj pozicioni që do dalësh me rroba banje.
Është pak natyra ime që ndoshta nuk di si të pozoj shumë thjesht, të rri thjesht kështu, nuk di, nuk kam çfarë bëj.
Ndoshta të tjerat janë shumë me fat që dinë ta bëjnë këtë lloj poze, ndërsa unë jo.
Por nuk është diçka e shëmtuar që dikush të manifestojë format e veta ose sensualitetin e vet”.
Einxhel e pranon se për shkak të fotove të publikuara në Instagram, ajo shpeshherë ndihet e paragjykuar dhe kjo gjë sigurisht e ka dëmtuar.
“Mua sigurisht më ka dëmtuar sepse shumë njerëz nuk arrijnë ta kuptojnë, që përtej asaj vajzës që shohin në Instagram, mund të jetë një person shumë sportiv, një person ndoshta i brishtë deri diku.
Shumë njerëz madje edhe me rastin e tërmetit ose kanë paragjykuar dhe kanë dërguar mesazhe që shko bëj ato fotot e tua, bëje për show.
Megjithatë mua nuk më prish punë, le ta komentojnë si të duan.
Unë vazhdoj dhe fitoj gjithsesi lekë nga Instagrami, prandaj jam ok, le të vazhdojnë të thonë çfarë të duan.
Nga Instagrami fitohet goxha mirë”.
