Tërmeti i 26 nëntorit, me magnitudë 6.4 të Shkallës Rihter, ka krijuar dëmtime edhe në godinën e Kryeministrisë.
Zv.ministri i Infrastrukturës, Artan Shkreli, ka postuar në rrjet, një foto të sallës së hartave, ku Kryeministri Edi Rama zhvillon shumicën e aktiviteteve dhe takimeve.
“Gjithashtu u troshit nga tërmeti i 26.11.19, dhe në sallen dopio-volum të hartave strukturat mbajtëse pësuan mjaft plasaritje. Ishte fat i madh që pikërisht parvjet të dy katet e poshtme – përfshi bazamentin – u përforcuan në pikëpamje konstruktive dhe u sollën në normë sizmike duke shpëtuar me siguri qëndrueshmërinë e objektit”, shkruan Shkreli.
