Pas shortit të hedhur ditën e djeshme, përballja mes Real Madrid dhe Manchester City është padyshim një finale e parakohshme.
Një ndeshje që do të thotë shumë në shumë aspekte, sidomos për Pep Guardiolën i cili është kritikuar shpesh për rezultatet e dobëta në Ligën e Kampioneve.
Pas diferencës plot 14 pikë ndaj Liverpool-it në Premier League gara në atë kompeticion pothuajse ka përfunduar për City-n, ku vëmendja është kthyer drejt suksesit në skenën evropiane.
Zërat për një largim të mundshëm të Guardiolës nga City kishin filluar të përhapeshin dhe një dështim ndaj Realit të Madrid mund t’i konfirmojnë këtë zëra. Guardiola kurrë nuk e ka udhëhequr Manchester City-n në çerekfinale të Ligës së Kampionëve, me klubin që arritjen më të madhe e ka në gjysmëfinale, por nën udhëheqjen e Manuel Pellegrinit.
Duhet theksuar që trajneri katalonas, nuk ka pasur shumë fat në këtë garë që pas largimit nga Barcelona në vitin 2012, pasi edhe me Bayernin nuk arriti të lërë shenjë.
Pak a shumë sezoni aktual i Guardiolës mund të përmblidhet me fjalët për gjithçka ose asgjë, ku një sukses në ligën e kampioneve me City-n, do ta vendoste atë në elitën e trajnerëve që e kanë fituar Championsin me dy skuadra të ndryshme, ndërsa një dështim këtë vit i shoqëruar me një largim të mundshëm do ti hapte disa “gropa” në CV-në e tij si trajner.
