Pjesa e parë ishte më e mirë për arabët që e mbyllin me rezultatin 0-1. Një gol mjaft i bukur i Al Dawsari dërgoi në dhomat e zhveshjes me avantazhin e një goli ekipin e Al-Hilalit.
Pjesa e dytë nisi menjëherë me melodi tjetër. Samba braziliani filloi të luhej që në rrjetën e parë të shënuar nga De Arrascaeta. Ky i fundit nuk e kishte të vështirë të dërgonte topin në rrjetë pas asistit të Henrique.
Ishte pikërisht ky i fundit që i dha avantazhin ekipit brazilian në minutën e 78′. Rafinha e gjeti mjaft bukur dhe Henrique nuk gaboi duke i dhënë zemër ekipit të tij që gjeti dhe golin e tretë. Mbrojtësi Albulayhi nuk largoi mirë një top të futur në zonë nga Henrique duke e devijuar drejt portës së tij.
Flamengo kalon në finale dhe pret ndeshjen e Liverpool-it për të mësuar rivalin. Katari beson se mund të ndodhë një klasike mes brazilianëve dhe anglezëve për trofeun e madh.
