Kreu i Partisë Demokratike, Lulzim Basha ka takuar drejtorin e IRI global për Evropë, Paul McCarthy.
Nga ky takim Basha ka postuar një foto në rrjetin social Twitter ku jep detajet se tema e diskutimit ishte kriza politike në vend dhe intensifikimi i bashkëpunimit në luftën kundër korrupsionit.
“Takim shumë i frytshëm me z.Paul McCarthy, Drejtor i IRIglobal për Europën me të cilin folēm për krizën politike & intensifikimin e bashkëpunimit në luftën kundër korrupsionit. Vlerat e perëndimit duhet të jenë udhërrëfyes për zgjidhjen e krizës & ndërtimin e një shteti modern.” – shkruan kreu i opozitës.
IRI, Instituti Ndërkombëtar Republikan, është një organizatë jofitimprurëse, jopartizane që punon për lirinë dhe demokracinë në të gjithë botën.
