Shqiptari Fatos Xheta, i cili rreth 6 muaj më parë vrau në Oxford gruan e tij Safie Xheta është dënuar me 19 vite burg. Gjykatësit iu deshën 90 minuta për të dhënë vendimin ndaj 46-vjeçarit shqiptar.
Gjyqtari i çështjes tha se Xheta ishte xheloz ndaj gruas së tij. Kjo u vu re edhe nga disa shënime që u gjetën në banesën e tij. Në një letër ai kishte shkruar në shqip: “Tradhtia zgjidhet vetëm me vdekje”.
Hetimet kanë zbuluar se burri i kontrollonte vazhdimisht rrjetet sociale bashkëshortes, si dhe celularin. Safie Xheta i kishte thënë një mikeshe të saj përpara disa kohësh “Fatosi nuk më lejon të kem shok. Nuk kam tani as telefon, sepse e mori dhe e shkatërroi”.
Çifti ishte martuar me njohje në Shqipëri. Ata kishin jetuar në Itali, ndërsa më pas janë transferuar për në Britaninë e Madhe dhe punonn në një fabrikë të qytetit.
