Është hedhur në Nion të Zvicrës shorti i 1/16-ave të Ligës së Europës. Goglat rezervuan përballje të lehta në letër për skuadrat favorite për ti shkuar deri në fund kompeticionit.
Interi do të përballet me bullgarët e Ludogorets, ndërsa Roma do të gjejë përballë belgët e Gent. Mançestër Junajtet do të sfidojë një tjetër skuadër belge, Klub Bruzh. Ndërsa Arsenali do të luajë me Olipiakos. Spanjollët e Sevijas do të luajnë me rumunët e Kluzh.
Lidhur me rregulloren e shortit të Ligës së Europës, goglat nuk lejuan që të përballen dy skuadra që kanë qenë nga i njëjti grup, por në të njëjtën kohë edhe dy skuadra nga i njëjti shtet. Ndërkohë, për sa u përket vazove, ekipet u shpërndanë në dy të tilla. Në vazon 1 ishin 12 ekipet e kualifikuara si të para në 12 grupet e Ligës së Europës, plus 4 të tretat më të mira që kanë zbritur nga Champions-i. Në vazon 2, 12 ekipet e kualifikuara si të dyta në grupet e Ligës së Europës, plus 4 skuadrat e treta më të dobëta të Ligës së Kampioneve. Gjithsesi, UEFA nga sivjet, ka vendosur që ekipet e vazos 2 do të kenë si “favor”, faktin që ta luajnë ndeshjen e kthimit në shtëpi.
Po sot, u hodh edhe shorti i 1/8-ave të Ligës së Kampionëve.
Ja çiftet e 1/16-ave:
Uolves – Espanjol
Sporting Lisbonë – Bashakshehir
Getafe – Ajaks
Bajern Leverkusen – Porto
Kopenhagen – Seltik
Apoel – Basel
Kluzh – Sevija
Olipiakos – Arsenal
AZ Alkmar – Lask
Klub Bruzh – Mançester Junajted
Ludogorets – Inter
Frankfurt – Salsburg
Shaktar – Benfika
Volfsburg – Malmo
Roma – Gent
Rejnxhers – Braga
