Më 19 dhjetor nis nga puna SPAK-u. 24 procese që aktualisht janë te Krimet e Rënda, pritet të kalojnë te Gjykata Kundër Krimit dhe Korrupsionit, ndërsa 37 te gjykatat e rretheve.
Te SPAK kalojnë dosje që lidhen me organizata kriminale dhe grupe që kanë kryer vrasje, si psh; dosja ndaj Moisi Habilajt, Domart Konjarit, Arbër Çekajt, etj.
Ndërsa në rrethe dosje si ajo Ahmet Ajetit, kosovarit që akuzohet se tentoi të vrasë Lulzim Berishën.
Ndërkohë, Këshilli i Lartë i Prokurorisë ka njoftuar se intervistat me tre kandidatët për drejtuesin e SPAK do të zhvillohet me datë 18 Dhjetor 2019.
Arben Kraja, Edvin Kondili dhe Altin Dumani janë tre kandidatët për të drejtuar SPAK-un, Prokurorinë e Posaçme kundër Korrupsionit dhe Krimit të Organizuar.
