Prej ditësh, Italia po përjeton lëkundje të njëpasnjëshme tërmetesh, të cilat kanë krijuar panik dhe kaos te banorët.
Të paktën katër tërmete, nga ora 9 deri në 10 të mëngjesit të së hënës, janë shënuar në Benevento, në Itali, ku më i forti ishte 3.4 Rihter.
Lëkundja e parë është regjistruar në orën 9.06, 3.4 Rihter, e dyta dy minuta më vonë 3.2 Rihter. Ndërsa tërmeti i tretë dhe i katërt janë regjistruar në 9.52 dhe 9.53, 3 dhe 3.4 Rihter.
Të pushtuar nga paniku, shumë njerëz kanë dalë nëpër rrugë.
Autoritetet vendase kanë vendosur të mbyllnin institucionet shkollore dhe godinat publike, ndërkohë që për momentin nuk janë raportuar dëme.
