Albano Kusi është vetëdorëzuar në Drejtorisë Vendore të Policisë Tiranë, pasi Gjykata e Shkallës së Parë Tiranë ka vendosur masën e sigurisë arrest me burg për të.
Ky shtetas ka kryer veprime që pengojnë zbulimin e së vërtetës, në lidhje me vrasjen me armë zjarri të shtetasit Indrit Çelaj në ambientet e katit të parë të godinës tre katëshe në pronësi të shtetasit Bujar Kusi.
Prokuroria pranë Gjykatës së Shkallës së Parë Tiranë, në datë 25.08.2019, ka dërguar urdhërin e për ekzekutimin e vendimit penal të datës 25.08.2019, të Gjykatës së Shkallës së Parë Tiranë, e cila ka caktuar masën e sigurisë ”Arrest ne burg”, për shtetasin Albano Kusi për Veprat Penale të “Veprime që pengojnë zbulimin e së vërtetës” e kryer në bashkëpunim.
Më herët është vetëdorëzuar vëllai i tij Griseldo Kusi që dyshohet si autor i vrasjes së Indrit Çelajt. Tekniku i kondicionerëve, Indrit Çelaj u vra me armë zjarri mesditën e 22 gushtit pasi u konfliktua me vëllezërit Kusi. Shkak i debatit ishte montimi i një kondicioneri që viktima kishte kryer në vilën e familjes Kusi në Tiranë.
Materialet në ngarkim të shtetasit Albano Kusi, i dërgohen Prokurorisë së Rrethit Gjyqësore Tiranë për veprat penale të “Veprime që pengojnë zbulimin e së vërtetës” e kryer në bashkëpunim.
