Pas dorëheqjes së Shpend Ahmetit nga posti i kryetarit të Partisë Social Demokrate në Kosovë, ditën e somte është mbledhur kuvendi i saj zgjedhor ku edhe është zgjedhur kryesia e re si dhe drejtuesi i saj.
Në vend të Shpend Ahmetit do të jetë në vijim Dardan Molliqaj, bashkëshorti i ministres së arsimit në Shqipëri, Besa Shahini.
Dorëheqjen e tij, Ahmeti e bëri të ditur sot përmes një statusi në Facebook, ku mori përsipër si kryetar fajin për dështimin e PSD’së në zgjedhjet e 6 tetorit.
“Natyrisht, përgjegjësia më e madhe është e imja si kryetar i subjektit. Për të mos kërkuar përgjegjësi nga asnjëri individualisht, si kryetar kam kërkuar mbledhjen e Kuvendit të PSD, organi më i lartë vendimmarrës I saj. Kjo na mundëson që të reflektojmë si kolektiv dhe të marrim përgjegjësi si parti. Ky propozim u aprovua në mënyrë unanime dhe nga sot PSD do të ketë kryetar të ri dhe Këshill të ri. Pastaj Këshilli do të votojë kryesinë e re dhe pozitat tjera udhëheqëse në parti”, ka shkruar Ahmeti.
