“Zonë e Lirë” është në kërkim të një “Sofie” të re, por drejtuesi i emisionit, Arian Çani, tha në fillim të programit këtë të premte se ende nuk është gjetur. Ai theksoi se “Sofia” e re duhet t’i tërheqë të gjithë.
Pas reagimeve të publikut që thonin se kanë vajza të bukura, Çani tha se kjo punë nuk bëhet me mik dhe u kerkoi atyre të bënin durim.
“Ende nuk ka, nuk po them se do ti fillojmë audicionet nga e para se është një përtesë e madhe. Zakonisht ato që vijnë në audicion kanë gjithmonë një problem. Duhet të gjejmë mënyra të tjera për të gjetur një ‘Sofi’ , një Sofi që të na tërheq të gjithëve.”
Dikush nga publiku shprehet se ka gocën por Çani i kthehet:
“Nuk është me mik ajo punë ka një gjë tjetër duhet të ngjisë ajo Sofi kështu që nuk do të nxitohem. Ndërkohë mua do më ndihmojë Alesia duhet të bëni pak durim miqtë e mi. ‘Sofia’ është personazh shumë i rëndësishëm në emision sado që ju duket periferik ” ka thënë Arjan Çani.
