Reperi MC Kresha ditën e sotme do i japë fund beqarisë.
Ai do të martohet me Erzina Shehun, vajzën të cilës Prive.al ia zbuloi identitetin për herë të parë vetëm përpara pak javësh.
Ceremonia do të jetë tejet private me rreth të ngushtë të të ftuarve në një prej restoranteve të kryeqytetit dhe festa duket se ka nisur që mbrëmë.
Mbrëmë Erzina ka mbledhur familjaret dhe shoqet në atë që njihet si nata e vajzave apo ndryshe kanagjeqi.
Çifti ka zgjedhur që gjithçka të kalojë në mënyrë hermetike teksa të ftuarve të paktë i është kërkuar paraprakisht që të rezervohen tërësisht në publikimin e detajeve apo fotografive nga ahengu.
Mbetet të shihet nëse në kohë si këto do t’ia dalin që martesën si një prej ngjarjeve më të rëndësishme në jetë ta kalojnë në privatësi të plotë në kohët që jetojmë.
