Shqiptar Fabjan Alameti, i cili jetonte në Nju Jork dhe po planifikonte sulme terroriste në SHBA, është dënuar nga gjykata federale e Missoulas në Montana me gati pesë vjet burg.
21-vjeçari akuzohet për deklarim të rremë sepse më herët në vitin 2018 ai ishte pyetur nga Byroja Federale e Hetuese nëse kishte apo jo dëshirë të bashkohej me grupin terrorist ISIS, por e kishte mohuar diçka të tillë. Por e gjithçka u zbulua kur shqiptari po udhëtonte me autobus drejt Montanës në muajin mars kur një person i armatosur vrau 50 njerëz në një xhami në Christchurch të Nju Zelandës.
Gjatë këtij udhëtimi ai kishte biseduar me një pern, pa patur informacion se ai ishte informator i policisë. 21-vjeçari i kishte rrëfyer të panjohurit dëshirën e tij për hakmarrje tek njerëzit e thjeshtë dhe planin për të organizuar një sulm terrorist në një objekt ushtarak në Shtetet e Bashkuara të Amerikës.
Sipas Gjykatës Federale Alameti është dënuar me 4 vite e 9 muaj heqje lirie.
Autoritetet e drejtësisë e kishin intervistuar 21 vjeçarin shqiptar për herë të parë në vitin 2018. Më vonë ai kishte postuar shkrime në rrjetet sociale, në mbështetje të organizatës ISIS.
Alameti u arrestua më 3 prill në një poligon armësh në shtetin e Montanas.
