Për Milanin është një moment historik pasi feston 120 vjetorin e krijimit të klubit.
Drejtuesit e klubit po i kushtojnë vëmendje të madhe këtij përvjetori, i cili kulmin e festimeve do ta arrijë ditën e nesërme, kur dhe Milani luan në shtëpi ndaj Sassuolos.
Siç raporton “Gazzetta dello Sport”, tifozët gjatë pushimit të ndeshjes do të shijojnë një paradë të jashtëzakonshme të famës kuqezi.
Parada i përket trajnerëve , Sacchi, Allegri, Capello, tre ish-kapitenëve Rivera, Baresi dhe Maldini, futbollistëve: Savicevic, Boban, Altafini, Massaro, Inzaghi, Tassotti, Dida, Papin, Evani, Donadoni, Costacurta, Ambrosini, Albertini, Ganz e shumë të tjerë.
Ndërsa në mbrëmje do të zhvillohet një gala në “Principe di Savoia”, ku pritet edhe Berlusconi. Festa është e hapur edhe për tifozët e njohur: Salvini, Confalonieri, Cracco, Staffelli, Panariello.
