Ledri Vula është një nga reperët më të dashur dhe numëron me mijëra fansa. Mesa duket, ai shumë shpejt do të sjellë biznesin e tij privat. Këtë e ka bërë të ditur vetë reperi me anë të një postimi në ‘Instagram’, në të cilën ka treguar se si ka nisur ideja e këtij projekti të cilin ka vendosur ta sjellë me një prej shokëve të tij që ka pasur në klasë.
“Zakonisht nuk shkruaj tekste të tilla, se mundin e shkrij në tekstet e këngëve që ju i pëlqeni, por i erdhi radha edhe kësaj, ta shkruaj një njoftim, një dedikim. 15 vite muzikë, shumë sfida të rënda dhe të lehta. Shumë të arritura, por të gjitha në fushat që megjithatë i njoh mirë. Tani ka ardhur koha ta sfidoj veten edhe diku pak më ndryshe. Sfidë në një biznes ndryshe”, ka shkruar ndër të tjera Vula krah postimit të tij më të fundit, ku ka zbuluar se do të sjellë një kompani si ‘Frix’ me një ambient mjaft efikas, në të cilin ë gjithë do të kenë mundësi të shijojnë ushqime mjaft të shijshme.
Nuk kanë munguar komentet me urime për reperin nga fansat e tij të shumtë si dhe nga miq e artistë të tjerë.
