Një biznesmen ka surprizuar stafin e tij prej 198 personash duke i dhënë një bonus prej 10 milionë dollarësh.
Në bazë të bonusit secili prej punonjësve merr mesatarisht një çek prej 50.000 dollarësh.
Kompania Saint John Properties, e cila vlen më shumë se 3.5 miliardë dollarë njoftoi dhënien e bonusit për festat e fundvitit.
Themeluesi dhe shefi ekzekutiv i kompanisë Edward St. John tha se shuma që secili punonjës do të marrë varet nga puna e tyre e pozicioni. Por shumica e tyre do marrin në shtëpi mesatarisht rreth 50.000 dollarë, njoftoi New York Post.
Punonjësit bërtitën nga gëzimi kur St. John u tregoi shpërblimin, ndërsa secili prej tyre hapte zarfin e kuq me shumën që do merrnin.
