Ish-deputeti Eduart Ndocaj dhe bashkëshortja e tij Valentina zbuluan mbrëmjen e djeshme në spektaklin “Dance With Me” se janë dashuruar me shikim të parë. Ajo tregoi se kur e kishte parë bashkëshortin e saj të ardhshëm për herë të parë, kishte thënë se ishte djalë vërtetë i bukur.
Alketa Vejsiu: Cili është sekreti i një martese të lumtur sipas përvojës tuaj? Keni shkëmbyer sa vite histori bashkë?
Eduart Ndocaj: 20 vjet martesë, 24 që njihemi.
Alketa Vejsiu: 24 vite dashuri, na thuaj formulën tënde të lumturisë?
Valentina Ndocaj: Dashuria vjen, nuk ka një formulë, por ne jemi dashuruar me shikim të parë. Të them të vërtetën, unë kisha një shoqe dhe më thoshte kam parë një çun shumë të bukur edhe t’ju prezantoj. E shikoja, edhe i thashë qenka vërtetë i bukur.
Gentian Zenelaj: Ka qenë më i dobët se ty në atë kohë, se e njoh unë. Ka qenë alamet djali.
Eduart Ndocaj: Kur jemi njohur, kam qenë 60 kilogramë më i ri.
Gentian Zenelaj: Po, 60 kilogramë më i ri…
Eduart Ndocaj: Kurse dashuria e vërtetë është 3 fëmijët që kemi.
Alketa Vejsiu: Por simboli i gjithë këtij vallëzimi dhe kësaj performance të bukur janë dy gjëra mendoj unë. E para formati i burrit shqiptar, jo konservator, mendjehapur që e respekton publikisht gruan, e mban përdore, e puth pa asnjë lloj kompleksi, me dëshirë, siç bën në jetën e përditshme. Pastaj një zonjë që i përkushtohet gjithë jetës një burri që dashuron, që sigurisht bën gjithë gjërat që bën çdo grua dhe vjen këtu si një princeshë sonte, me gjithë hijeshinë e saj dhe ka këtë moment sharmi kujtim.
