Një grup studentësh, së bashku me vullnetarët që shërbejnë në qendrën e ngritur në Bubq, pas tërmetit të 26 nëntorit, i kanë dhuruar momente të veçanta gëzimi fëmijëve të strehuar në këtë kamp.
Ata sëbashku me vullnetarët e kësaj qendre ndezën dritat e pemës së Vitit të Ri, duke rikthyer buzëqeshjen në fytyrat e vogëlushëve!
“Kemi vendosur jo vetëm të qëndrojmë në Shqipëri, por kemi ardhur në Bubq, për t’iu dhuruar një dhuratë sado të vogël këtyre fëmijëve. Na takonte ne të rinjve që të ishim shembulli i solidaritetit. Së bashku ia kemi dalë të bëjmë krenar çdo shqiptar dhe do të jemi forca e Shqipërisë”, thuhet në mesazhin e publikuar në rrjet.
