Kryeministri i vendit Edi Rama së bashku me kryebashkiakun Veliaj ishin sot pasdite në qendër të Tiranës për të ndezur dritat e pemës së Vitit të Ri.
Mirëpo, si Rama dhe Veliaj nuk e prisnin surprizën e pakëndshme që iu bë nga një grup të rinjsh që kishin ardhur aty me pankarta dhe me një pemë simbolike, e pikturuar me tulla, për të dhënë mesazhin e tragjedisë që ndodhi më 26 nëntor në Shqipëri.
Me thirrje “Turp! Turp!”, të rinjtë protestues reaguan ndaj Ramës e Veliajt në lidhje me keqpërdorimin e parave në këto ditë të vështirë, pas fatkeqësisë natyrore. Të rinjtë kanë shoqëruar ceremoninë e Ramës e Veliajt me thirrjen “nuk është koha për zbukurime kur ka shkatërrime”.
Nuk mund të mos viheshin re nga kryeministri, i cili urdhëroi gardistët që t’i largonin të rinjtë nga sheshi ‘Skëndërbej’.
