Me rinisjen e mësimit, mëngjesin e sotëm në universitetin “Aleksandër Moisiu” në Durrës u organiziua një cermoni në nder të 51 viktimave të shkaktuara nga tërmeti tragjikm i 26 nëntorit.
Gjatë ceremonisë u mbaj një minutë heshtje, ndërsa 51 studentë vullnetarë mbanin në duar 51 trëndafila të bardhë në nderim të 51 viktimave.
Rektorja e Universitetit të Durrësit “Aleksandër Mosiu, Kseanela Sotirofski mbajti një fjalim gjatë ceremonisë, përpara se studentëve t’ju drejtoheshin auditoreve, ku theksoi se ka marrë garancinë që studentët të kenë kushte dhe mjedise të sigurta për vazhdimin e procesit mësimor.
“Në emrin tim personal, në emër të stafit dhe studentëve të Universitetit “Aleksandër Moisiu”, shpreh solidaritetin e thellë me familjet që në tërmetin e 26 nëntorit kanë humbur njerëzit e tyre të dashur. Lutemi që viktimat të prehen në paqen e amëshuar. I paharruar kujtimi i tyre!
Shqetësimi i studentëve dhe prindërve këto ditë për sigurinë e godinave universitare ka qenë edhe shqetësimi ynë. Ne kemi marrë garancinë që fëmijët tuaj, fëmijët tanë, të kenë kushte dhe mjedise të sigurta për vazhdimin e procesit mësimor. Stafi ynë është përkushtuar, që nga pedagogët – veçanërisht kolegët e Psikologjisë – deri te oficerët e sigurisë, që të mundësojmë rikthimin në ritmin e zakonshëm të mësimdhënies dhe formimit të vazhdueshëm.
Faleminderit nga zemra studentëve vullnetarë. Thonë që akti më i vogël i mirësisë vlen më shumë sesa qëllimi më madhështor. Çdo histori e juaja ka prekur zemrat e njerëzve. Jeni shndërruar në shëmbëllim të humanizmit, forcës dhe shpresës. Vullnetarizmi juaj do ta mbajë gjithmonë Durrësin dhe Shqipërinë në këmbë!
U shtofshin shembujt si ju!” – u shpreh Sotirofski.
