Agjenti i Ibrahimovich Mino Raiola nuk dëshiron të zbulojë shumë rreth të ardhmes së suedezit por thekson se një rikthim në Serinë A, do të rriste vlerën e kampionatit.
Sulmuesi është lojtar i lirë pasi kontrata e tij me La Galaxy ka përfunduar, dhe javët e fundit ka lënë të kuptojë se e ardhmja e tij është në Seria A. Në garë për shërbimet e tij në Itali janë, Milani ,Bologna dhe Napoli.
Në intervistën e tij me “La Gazetta dello Sport”, Raiola shprehet:
“Do të shikojmë çfarë do të ndodhë. Jemi njerëz të lirë, i bëjmë vetë zgjedhjet tona. Nuk përjashtoj asgjë përfshirë këtu edhe një tërheqje të futbollistit, por kjo nuk ka shumë gjasa të ndodhë, pasi Ibra është akoma në formë të shkëlqyer”.
“Nëse Zlatan do të rikthehej në Seria A, do të rriste spektaklin dhe kampionatin për sa i përket shikueshmërisë. A e imagjinoni sa njerëz në shumë shtete të ndryshme do të shihnin Serinë A?”- përfundon agjenti i njohur.
