Vizita e saj e parë në ish-kampin gjerman të përqendrimit Aushvic-Birkenau ishte për Kancelaren Merkel padyshim gjithçka tjetër, por jo e lehtë.
Angela Merkel bëri vizitën e saj të parë zyrtare në Aushvic-Birkenau të premten pas 14 vjetësh si kancelare e Gjermanisë. Atë e shoqëroi kryeministri i Polonisë, Mateusz Morawiecki si dhe ish të burgosur dhe përfaqësues të organizatave të ndryshme hebreje.
Kancelarja gjermane teksa kryente homazhe për herë të parë në kampin e përqendrimit në Aushvic, ka humbur ekuilibrin dhe ka rrezikuar të rrëzohej.
Siç shihet në pamje, në ndihmë i kanë ardhur menjëherë zyrtarë të tjerë. Kujtojmë se në disa dalje publike Merkel nuk është ndjerë mirë, pasi është parë teksa dridhej. Nga zyra e kancelares, është mohuar që kancelarja të vuajë nga ndonjë sëmundje e rëndë.
