Policia në Toscana vuri në pranga katër shtetas shqiptarë, të kapur në flagrancë nën akuzën e zhvatjes së rëndë me metoda mafioze.
Mediat fqinje shkruajnë se një qytetar shqiptar, emri i të cilit nuk është bërë i ditur ishte i lidhur me persona që bënin pjesë në një organizatë kriminale, e cila ishte goditur në maj, si rezultat i operacionit “Erostrato”.
Ky operacion i muajit maj u realizua nga karabinieri i Viterbos dhe drejtuar nga Prokurori i Qarkut të Romës.
Shqiptari në bashkëpunim me tre bashkëatdhetarë të tjerë iu afrua një kuzhinieri, në lokalin e tij në Viterbo duke i kërkuar 4,000 euro si kompensim për blerjen e një makine, e cila më pas kishte treguar problem. Makina ishte shitur nga një mik i kuzhinierit te një i afërm i tij, që tashmë është i burgosur.
Pas refuzimit për një kohë të gjatë për të dhënë 4,000 eurot, tashmë pagesa kishte shkuar në 5.700 euro, ndërsa për barin që kishte personi në fjalë zhvatësit kishin parashikuar që të pësonte dëm.
Paralajmërimi për dhënien e eurove më pas u shndërrua në kërcënime me vdekje që i drejtoheshin pronarit dhe familjes së tij.
Operatori, i cili tashmë në dhjetor 2018 kishte pësuar djegien e makinës së tij nga objekti i organizatës kriminale, duke u ndërgjegjësuar për rrezikshmërinë e subjekteve në fjalë, por mbi të gjitha për pamundësinë e plotësimit të pretendimeve në rritje të kriminelëve vendosi t’i drejtohet Policisë për mbrojtje.
Prandaj, ushtria, në funksion të mbrojtjes më të gjerë të viktimës vëzhgoi të katër shqiptarët, që futen në lokalin e viktimës dhe i arrestojnë ata në flagrancë.
Karabinierët kanë konstatuar se kriminelët kanë vepruar në bazë të indikacioneve të qarta që u janë dhënë atyre nga i arrestuari i organizatës kriminale.
Paratë e zhvatura duhet të kishin shërbyer në të vërtetë për të mbështetur kostot ligjore të disa prej atyre të arrestuarve, që ishin arrestuar në operacionin “Erostrato”, në funksion të seancës dëgjimore që do të zhvillohej në Gjykatën e Romës për të vendosur mbi kërkesën për gjykim avancuar nga Drejtoria e Qarkut Antimafia.
Gjyqtari i Gjykatës së Viterbo, pasi kishte vërtetuar arrestimin e kërkuar nga Prokurori Publik i Viterbo, duke njohur ekzistencën e rrethanave rënduese të metodës mafioze, zbatoi masën paraprake në burg dhe urdhëroi transferimin e dokumenteve në Drejtorinë e Qarkut Antimafia të Romës. /Panorama
