Policia e Fierit në bashkëpunim me Inetrpol Tirana kanë vënë në pranga një person të shpallur në kërkim ndërkombëtar.
Personi i arrestuar është shtetasi me iniciale A. I., 56 vjeç, banues në Fier.
Arrestimi i këtij shtetasi u bë pasi Gjykata Themelore në Prishtinë ka dërguar urdhër-arresti për veprat penale “Krim i organizuar” dhe “Blerje, posedim, shpërndarje dhe shitje e paautorizuar e narkotikëve të rrezikshëm”.
Gjithashtu, gjatë operacionit, në ambientet e një lokali në Fier, u bë kapja dhe arrestimi në flagrancë i shtetasit me iniciale A. I., 33 vjeç, banues në Fier.
Nga kontrolli personal i ushtruar, këtij shtetasi iu gjet një armë zjarri pistoletë, një krehër me 15 fishekë dhe një mjet prerës (biçak).
Materialet hetimore i kaluan Prokurorisë pranë Gjykatës së Shkallës së Parë Fier, në ngarkim të 33- vjeçarit A. I., për veprën penale “Armëmbajtja pa leje”.
