Pas tërmetit të 26 nëntorit, Luljeta Bozo ka ndihmuar në largimin e panikut. Sot, inxhinierja ka zbuluar për qytetarët se cilat janë zonat ku mund të jenë më të mbrojtur nga lëkundjet e forta sizmike.
“Zonë e mirë e Tiranës, është gjithë ky trualli që fillon që nga Kinostudio, deri afër Pallatit me Shigjeta. Kjo zonë është e përbërë nga argjile të kuqe, të çimentuara, që janë shumë të forta. Dhe sa më i fortë të jetë trualli, aq më i sigurt është në rastin e lëkundjeve sizmike”, tha Bozo në një intervistë për “Dritare”.
Inxhinierja theksoi se zona e Kënetës ishte më e rrezikuar se i ka formacionet shumë të buta, ka shumë lëndë organike dhe deformohet shumë.
Gjatë bisedës, dha një këshillë të vlefshme për qytetarët në rast tërmeti duke i thënë që të mos tentojnë të dalin jashtë.
“Në momentin që bie tërmeti, mos lëviz nga vendi fare. Ke një tavolinë të fortë, futu poshtë tavolinës, ose nëse je i sigurt që dera sipër ka një tra futu aty”, tha Bozo.
