Milot Rashica është një nga lojtarët kryesor të Werder Bremen, ku që nga muaji shtator kur u rikthye nga dëmtimi ka shënuar shtatë gola në nëntë ndeshje.
Duke parë formën e tij të lartë, shumë skuadra janë të interesuara për Rashicën dhe sipas “Bild”, Werderi i ka caktuar vlerën lojtarit të Kosovës.
Klubi nga Bundesliga thuhet se kërkon 50 milionë euro nga shitja e 24-vjeçarit, ndërsa kontrata e tij skadon në verën e vitit 2022.
Por gjithsesi , Werder Bremen dëshiron që të nënshkruajë një kontratë të re me lojtarin pasi nuk dëshiron që ai të largohet por aktualisht Rashica nuk ka pranuar për të firmosur, duke studiuar ofertat që vijnë për të.
