Pas humbjes dy ndeshje më parë ndaj, Dallas Mavericks, Los Angeles Lakers arrijnë fitoren e dytë radhazi, duke shkatërruar me rezultatin 121-96 , një skuadër të fortë siç është Utah Jazz.
Një sfidë mjaft e vështirë në letër, por që nuk rezultoi kështu, ku kalifornianët u shfaqën solidë në mbrojtje dhe duke shënuar shumë.
Si gjithmonë skuadrën e udhëhoqën Anthony Davis dhe Lebron James, që pa shumë përpjekje shënuan respektivisht 26 dhe 20 pikë, ndërsa për Utah Jazz, më i miri në parket ishte ylli i tyre Donovan Mitchell me 29 pikë.
Me këtë fitore, bilanci i sezonit për Lakers shkon në 19 fitore dhe 3 humbje.
Nga ana tjetër në konferencën e lindjes, Milwakee Bucks arrin fitoren e 13-të radhazi, duke mundur Detroit Pistons, 103-127. Edhe në këtë rast shkëlqeu i zakonshmi Giannis Antetokounmpo me 35 pikë e 9 “rebound”, në 28 minuta lojë.
