Hakmarrja rilindase nuk ndalet/ Qeveria pezullon Arben Malajn nga BSH

Kryeministri Edi Rama ka treguar edhe njëherë se kush i del kundër partisë dhe rilindjes shkarkohet menjëherë.

Deklaratat kundër rilindjes dhe keqqeverisjes së bëra nga ish-ministri socialistët Arben Malaj, kanë bërë që ndaj këtij të fundit më merren masa të ashpra, duke u pezulluar nga detyra e Anëtarit të këshillit Mbikëqyrës të Bankës së Shqipërisë.

Në mungesë të kryeministrit Rama, ka qenë zv.kryeminsitri Braçe ai që ka firmosur pezullimin e Malajt.

Vendimi i plotë:

VENDIM Nr. 766, datë 3.12.2019 PËR PEZULLIMIN NGA DETYRA TË NJË ANËTARI TË KËSHILLIT MBIKËQYRËS TË BANKËS SË SHQIPËRISË

Në mbështetje të nenit 100 të Kushtetutës dhe të pikës 1, të nenit 47, të ligjit nr. 8269, datë 23.12.1997, “Për Bankën e Shqipërisë”, të ndryshuar, me propozimin e Kryeministrit, Këshilli i Ministrave

VENDOSI:

1. Z. Arben Malaj, anëtar i Këshillit Mbikëqyrës të Bankës së Shqipërisë, pezullohet nga kjo detyrë.
2. Propozimin Kuvendit të Republikës së Shqipërisë për shkarkimin e z. Arben Malaj nga detyra e anëtarit të Këshillit Mbikëqyrës të Bankës së Shqipërisë.

Ky vendim hyn në fuqi menjëherë.

ZËVENDËSKRYEMINISTËR

Erion Braçe