Policia e shtetit gjatë operacionit të koduar “Memlishti 2” ka vë në pranga shtetasin me iniciale I.P., 43 vjeç, banues në Elbasan, i dënuar më parë për “Vjedhje”.
Gjatë kontrollit të ushtruar nga shërbimet e Policisë në dalje të qytetit të Pogradecit, ky shtetas, u kap duke transportuar me mjetin furgon tip “Benz” 11 shtetas të huaj në drejtim të Tiranës, të cilëve iu kishte premtuar kalimin e tyre drejt vendeve të BE-së, kundrejt fitimit, njoftojnë autoritetet.
Nga ana e Policisë, po punohet për të vendosur përpara përgjegjësisë ligjore edhe persona të tjerë, të dyshuar si të implikuar në këtë ngjarje.
Materialet i kaluan Prokurorisë të Rrethit Gjyqësor Pogradec për veprën penale “Ndihma për kalim të paligjshëm të kufijve”.
