Mbledhja e sotme e Këshillit të Ministrave u drejtua nga zv/kryeministri Erion Braçe në mungesë të kryeminisrit Rama, i cili është në Samitin e NATO-s.
Mbledhja nisi me fjalën e ministrit fuqiplotë për gjendjen e jashtëzakonshme pas tërmetit, Bledi Çuçi, i cili dha detaje nga bilanci i dëmeve të shkaktuara nga tërmeti i 26 nëntorit, qe la pas 51 viktima.
Çuci ka bërë një përmbledhje të situatës aktuale post tërmeteve, duke treguar shifrat e akomodimit të banorëve e deri tek pallatet e dëmtuara.
“Strehimi ka shkuar 12 mijë persona që janë akomoduar në hotele, çadra, qendra sociale, palestra, etj. 4 mijë persona janë në hotele, 254 në palestra, 6.5 mijë në çadra, 395 në qendra sociale, 769 në Kosovë dhe 436 në akomodime të tjera. Përsa i takon dëmeve, në 26 shkolla me 10300 nxënës janë me dëme, 15 në Durrës, 2 në Lezhë dhe 9 në Tiranë. Nga objektet 656 janë inspekuar në Durrës, 242 të pabanueshme, 27 për t’u prishur. Në qarkun Tiranë jaën 525 pallate të dëmtuara dhe 3921 banesa dhe 146 biznese” – tha ai.
