Një atentat me armë zjarri raportohet të ketë ndodhur këtë mbrëmje në Tepelenë. Burime për mediat bëjnë me dije se viktima është Artur Bresha, i cili u dërgua për në spital në gjendje të rëndë shëndetësore, por nuk mundi të mbijetojë. Mësohet se Bresha punonte si roje në një kompani inertesh.
Ende nuk dihen shkaqet e kësaj ngjarje apo autorët. Burime bëjnë me dije se atentatorët pas vrasjes së Artur Breshës, kanë plagosur edhe vëllain e tij Artan Bresha, i cili po qendronte në një dyqan. Artan Bresha ka qenë arrestuar për tentativë të trafikimit të 1 ton lënde narkotike, kanabis sativa.
Policia po punon për zbardhjen e plotë të ngjarjes.
