Sfida që zhvillohet mbrëmjen e sotme mes Manchester United dhe Tottenham ka domethënie të veçantë për Jose Mourinhon, i cili rikthehet për herë të parë që nga shkarkimi, në dhjetor të 2018-ës.
Në intervistën para ndeshjes, ai deklaroi:
“Unë nuk jam karakteri negativ, unë nuk jam një armik. Jam trajneri që do të përpiqet të fitojë ndaj Manchester United, ndërsa nga ana tjetër, Solskjaer është njeriu që do të përpiqet ta fitojë ndeshjen për Unitedin, prandaj është e natyrshme se ata do ta mbështesin atë dhe jo e mua”.
“Më pëlqen të luaj ndeshje të mëdha, më pëlqen të luaj ndaj ekipeve më të mira dhe të kthehem në vendet ku kam qenë i lumtur”.
