Mbrëmjen e sotme luhen dy takime, të cilat hapin javën e 15-të, të Premier League, ato mes Burnleyt dhe Manchester City dhe Crystal Palace ndaj Bournemouth.
Manchester City udhëton në transfertën e Burnley, ku do të kërkojnë të mbajnë gjallë shpresat për titull, pas barazimit 2-2 me Newcastle ditën e shtunë.
Me atë barazim, kombinuar dhe me fitoren e Liverpool 2-1 ndaj Brighton, bëri që djemtë e Guardiolës ta shohin veten plot 11 pikë pas Liverpoolit.
“Qytetarët” vijnë me disa mungesa të rëndësishme në këtë ndeshje, ku përveç mungesave afatgjata të Leroy Sane dhe mbrojtësit Laporte, atyre u bashkohet dhe sulmuesi kryesor i skuadrës, Sergio Aguero pas problemeve që ka shfaqur në pulpën e tij. Ndërsa në dyshim janë, Bernardo Silva, Rodri dhe Jao Cancelo.
