Presidenti Ilir Meta thirri mëngjesin e sotëm mbledhjen e Këshillit të Sigurisë Kombëtare, lidhur me situatën e krijuar nga tërmeti.
Nëpërmjet një komunikate zyrtare ai ka dhënë detaje lidhur nga kjo mbledhje ku shprehet se mbështetëm hetimet e prokurorisë për të vendosur vendosë para përgjegjësisë penale të gjithë ata që do të rezultojnë përgjegjës.
Reagimi i plotë:
Sot në mbledhjen e Këshillit të Sigurisë Kombëtare, diskutuam për një bashkëveprim dhe koordinim më të ngushtë midis të gjitha institucioneve për përballimin e emergjencës deri në rivendosjen e normalitetit të plotë.
E mbështetëm prokurorinë të çojë përpara hetimet dhe të vendosë para përgjegjësisë penale të gjithë ata që do të rezultojnë përgjegjës.
Të sigurojmë burimet e brendshme dhe mbështetjen e duhur ndërkombëtare për tejkalimin e pasojave të rënda të këtij tërmeti të tmerrshëm.
