Juventusi nuk ka shkuar më shumë se një barazim 2-2 në shtëpi ndaj Sassuolos.
Leonardo Bonucci kaloi bardhezinjtë në avantazh në minutën e 20-të, por vetëm tre minuta më vonë, Boga barazoi rezultatin.
Me fillimin e pjesës së dytë në të 47-ën minutë, Sassuolo shënoi golin e avantazhit me anë të Caputo.
Duke parë këtë rezultat, Sarri ndërhyri duke bërë dy zëvendësime, teksa Dybala dhe Matuidi zunë vendin e Bernardeschit dhe Emre Can.
Ishte pikërisht Dybala që fitoi një 11-metërsh në minutën e 66-të, të cilin e shëndrroi në gol Cristiano Ronaldo, duke fiksuar shifrat në 2-2.
Me këtë barazim Juventus shkon në kuotën e 36 pikëve, dhe rrezikon të parakalohet nga Interi nëse zikaltrit fitojnë takimin e tyre ndaj Spal në orën 15:00.
