Sot në Abu Dhabi zhvillohet gara e fundit sezonale në Formula 1, por një lajm i bujshëm ka tërhequr vëmendjen e të apasionuarit e sportit.
Sipas raportimeve të mediave italiane, skuadra e Ferrarit ka nisur punën për të bindur, Lewis Hamilton, që të transferohet te “kokëkuqja”, në vitin 2021.
Kontrata e Hamilton me Mercedez, skadon në fundin e vitit 2020, dhe deri më tani rinovimi nuk ka ardhur.
“Gazzeta Dello Sport”, shkon edhe më larg, ku ka deklaruar që anglezi, ka takuar edhe presidentin e Ferrarit, John Elkan, për të nisur negociatat. Ndërsa edhe drejtori i skuadrës Mattia Binotto është shprehur i kënaqur mbi mundësinë për të pasur 6 herë kampionin e botës te Ferrari, por deklaron që është ende herët për të folur.
Duhet theksuar që Hamilton gjithmonë ka pranuar “dashurinë” që ka për Ferrarin dhe sipas tij do të ishte e çuditshme të kishte kaq shumë arritje në F1 por pa pilotuar asnjëherë Ferrarin.
