Presidenti i Parlamentit Europian, David Sassoli anuloi vizitën e tij në Shqipëri, më 2 dhe 3 dhjetor, pas tërmetit tragjik që goditi vendin më 26 nëntor.
Në Twitter, Sassoli njofton se nuk ka ende një datë konkrete se kur do të vizitojë vendin tonë, teksa njoftoi sot se ka shtyrë vizitën e planifikuar.
“Shpresoj që ju dhe familjet tuaja të jeni mirë dhe të mos jeni prekur shumë nga tërmeti. Për shkak të kësaj tragjedie, u vendos të shtyhej vizita. Ende nuk kemi një datë të re, por duam ta bëjmë këtë vizitë sa më shpejt të jetë e mundur. Do të jemi në kontakt”, shkroi në Twitter Presidenti i Parlamentit Europian, mbi vendimin për të vizituar Tiranën, siç edhe kishte planifikuar një muaj më parë, vizitë që do të kryhej në fillim të kësaj jave.
