Jesse Lingard deklaron që këshilla e marrë nga Ronaldinho, ka bërë që vendosmëria e tij për të luajtur futboll të jetë më e fortë, dhe ti qaset botës së futbollit pozitivisht.
Në një intervistë për “The Mirror”, ai deklaron:
“Më kujtohet kur e takova në Amerikë disa vite më parë, ai më tha: Pavarësisht gjithçkaje, gjithmonë shijoje futbollin, gjithmonë luaj me një buzëqeshje në fytyrën tënde”.
“Pas kësaj këshille gjithmonë e bëj këtë gjë. Është çmenduri të shohësh videot e tij, pastaj e takova atë, madje më dha dhe këshilla, e pabesueshme”.
“Çdokush që ka ëndërruar të bëhet futbollist dhe që e ka arritur këtë, ëndrrat tona janë përmbushur dhe tani ndodhemi në një pozitë të favorshme, kështu që gjithçka që mund të bëjmë është të buzëqeshim. Sigurisht që gjithmonë dëshiron të fitosh ndeshjet, por kjo pjesa e kënaqësisë është e rëndësishme”.
