Policia greke ka vënë në pranga dy shtetas shqiptarë pasi janë kapur duke transportuar në këmbë tre çanta me drogë të llojit marijuanë. Ata u arrestuan në kufirin greko-shqiptar në rrugën periferike Rajo-Kasterini në Igumenicë, mbrëmjen e djeshme.
Marijuana ishte e ndarë në 30 pako, në total 42 kg e 330 gram. Ende nuk bëhet e ditur identeti dhe mosha e të arrestuarve. Gjithashtu u është sekuestruar dhe një celular.
Prej fillimit të vitit policia greke ka sekuestruar kryesisht pranë kufirit shqiptar por edhe në zona të tjera, rreth 10.3 ton marijuanë që dyshohet se vinte nga Shqipëria.
